លាង ម៉ូតូ និងរថយន្ត

នៅតាមទីក្រុងមានឡានម៉ូតូកើនឡើងរាល់ថ្ងៃ ហើយបានដឹងថា ម៉ូតូឡានជិះនៅលើថ្នល់ដេលពោរពេញទៅដោយលម្អងធូលីដី បើទោះជាម៉ូតូឡានមិនបានជិះលើដីផ្ទាល់ក៏ដោយ ក៏នៅតែឆ្លៀតប្រឡាក់ដី ដោយខានមិនបាន ដូច្នេះយើងត្រូវបង្កើតសេវាកម្មលាងឡានម៉ូតូ។


​​     ថ្វីត្បិតថា មុខរបរនេះមានគេច្រើនហើយក៏ដោយ ប៉ុន្តែយើងក៏បង្កើតបានទៀតដើម្បីប្រឡងប្រជែងគុណភាព​ និងសេវាកម្ម។យើងត្រូវមានផែនការយុទ្ធសាស្រ្តល្អ លើសពីអ្វីដែលអ្នកប្រកបមុខរបរមុនៗដែលកំពុងធ្វើរដូចជា :

ត្រូវមានហាងលក់ភេសជ្ជះនៅជាមួយកន្លែងលាងឡានម៉ូតូនោះ។
ត្រូវមានសេវាកម្ម លាងដោយទឹកស្អាត សាប៊ូល្អ និងក្រណាត់ទន់មិនប៉ះពាល់ ខូចខាត ថ្នាំឡានម៉ូតូអតិថិជន។
ត្រូវមានសេវាកម្មលឿនបំផុតល្បឿនមធ្យម យឺតធម្មតាដោយបែងចែកតម្លៃអោយបានជាក់លាក់ ដូចជាលឿនតម្លៃថ្លៃ មធ្យមតម្លៃសមរម្យយឺតតម្លៃថោក។
សម្រាប់តម្លៃត្រូវកំណត់អោយបានថោកធូរថ្លៃសមរម្យជាងគេ។ត្រូវមានយុទ្ធសាស្រ្តក្នុងការកំណត់តម្លៃអោយបានល្អប្រសើរ។
មុខរបរនេះ ទាមទារអោយអ្នកត្រូវរកទីតាំងអោយបានសមរម្យដើម្បីកុំអោយមានប៉ះពាល់រាំងស្ទះដល់បរិស្ថាន។ អ្នកត្រូវជ្រើសរើស ទីតាំងអោយបានធំទូលាយ និងមានផ្លូវថ្នល់ល្អក្នុងការចេញចូល។ ប្រសិនបើមិនទាន់មានដើមទុនគ្រប់គ្រាន់ទេ ត្រូវចាប់ផ្តើមពីសេវាកម្មលាងម៉ូតូសិន។